IL TEXT.

 

Nus essan persvadids che la cultura multifara da noss chantun è impurtanta e preziusa. Ina viva lavur culturala furma l'uman, rinforza la societad e surmunta cunfins. La cultura procura per plazzas da lavur, sustegna il svilup da tut las regiuns, stabilisescha la coesiun sociala, scolescha la forza innovativa e promova in turissem substanzius.

 

Nus envidain il parlament e la regenza dal chantun Grischun a s'engaschar per ina  promoziun pli vasta e cumplessiva da la cultura che tegna quint da la singularitad culturala dal chantun. La promoziun da la cultura duai cumprender l'entir spectrum da la lavur culturala actuala che vegn fatga dad amaturs e profis, da gruppas libras e chasas stablas, da museums e festivals, da scolas da musica e dad instituziuns da furmaziun, dad organisaziuns linguisticas e dad associaziuns culturalas.

 

Per cuntanscher questa finamira sto il preventiv per la promoziun da la cultura vegnir augmentà substanzialmain. Cun in credit general concedì dal Cussegl grond po la promoziun da la cultura garantir cuntinuitad e segirtad da planisar a tuttas e tuts che creeschan cultura. La distribuziun dals meds duai vegnir reglada en in concept che vegn elavurà mintga quatter onns da la Regenza cun resguard da las persunas che creeschan cultura e che vegn approvà dal Cussegl grond.

ARTGA DA SUTTASCRIPZIUNS

TELECHARGIAR.

SIGNAR ONLINE.

CHANTUN DA CULTURA

GRISCHUN.